2025.09.20
11:00 - 13:00
Musika Bulegoak haurrei zuzendutako musika sormen tailerrak antolatuko ditu Atlantikaldia jaialdian
Musika Bulegoak, Atlantikaldiarekin lankidetzan, musika sormen bi tailer antolatuko ditu irailaren 18tik 21era Errenterian egingo den jaialdiaren edizio berriaren barruan.
Gasteizko Creative Soul Musika Eskolak emango ditu tailerrak, eta helburua esperientzia berri bat sortzea da, sormen musikala sustatzeko eta instrumentuen bidez haurrak musikara hurbiltzeko.
Jarduera bitan banatuko da eta doakoa izango da:
- Irailak 20 (larunbata)
- Lekua: Herrixka gunea, Errenteriako Foru plaza.
- Lehenengo saioa 11:00etatik 12:00etara (9-10 urte)
- Bigarren saioa 12:00etatik 13:00etara (11-12 urte)