2025.03.06
Beste erakundeak
INAEM: Musika, lirika eta dantzarako diru-laguntzak 2025
Kultura Ministerioak 2025. urterako musika, lirika eta dantzarako laguntzak argitaratu ditu. Bertan sartzen dira, besteak beste, birak, jarduerak, jaialdiak, kongresuak edo zirkuituak.
Proposamenak aurkezteko epea martxoaren 26an amaitzen da.
Sympathy for the Lawyer-eko gure partner-ek laguntza honen alderdi garrantzitsuenak laburbiltzen dituen gida bat egin dute. Gida honetan, besteak beste, 2025eko berrikuntzak, laguntza-ildoak, diruz lagun daitezkeen gastuak eta balorazio-irizpideak jasotzen dira.
Dirulaguntzaren oinarriak esteka honetan.
+ Info
2025.03.05
Beste erakundeak
Kultur proiektuei eta jaialdiei laguntzeko Gasteizko Udalaren diru-laguntza
Gasteizko Udalak dirulaguntzak emateko deialdia ireki du, 2025. urterako kultur proiektuei eta finkatutako jaialdiei laguntzeko.
Aurkezteko epea: martxoaren 26ra arte.
Deialdiaren oinarrietarako esteka.
Informazio gehiago:
infocultura@vitoria-gasteiz.org
Telefonoa: 945-161268
+ Info
2025.01.15
Musika Bulegoa
MMVV 2025n parte hartzeko deialdia ireki dute
Mercat de Música Viva de Vic azoka profesionalaren 37. Edizioa irailaren 17tik 20ra egingo dute. Proposamenak aurkezteko deialdia irekita dago eta martxoaren 31an amaituko da.
Bi ildo nagusi ditu Mercat de Música Viva de Vic ek: MV programazioa, profesionalei zuzendutakoa, eta Jaialdia, publiko zabalari zuzendutako programazioa.
Antolakuntzak aukeratuko dituen proposamen artistikoen artean Euskal Herriko proposamenek ordezkaritza izaten dute BASQUE. MUSIC. plataformari esker.
BASQUE. MUSIC. Showcase-ak
BASQUE. MUSIC.-ek bi showcase antolatzen ditu urtero MMVV-ko azoka profesionalean. 2022tik kontzertu hauek programazio ofizialaren baitan antolatzen dira.
MMVV-en antolakuntza arduratuko da aurkeztutako proposamen guztien artean aukeraketa egiteaz. Aurreko edizioetan Gorka Urbizu, Mikel Azpiroz, Maite Larburu, Merina Gris, Amorante, Ekiza, La Basu, Lumi, Idoia edo Chill Mafia bezalako taldeek parte hartu dute BASQUE. MUSIC. showcase-tan.
+ Info