MUST+PROk euskal musikaren industriarako topagune profesional gisa duen zeregina sendotu du, Estatuko zirkuituko 18 programatzaile eta eragile nabarmenen parte-hartzearekin: Artistas en Ruta (AIE), La Nau (Bartzelona), Clamores (Madril), Aloud Music (Bartzelona), Sala López (Zaragoza), Fotomatón (Madril), La Lata de Bombillas (Zaragoza), Terra (Castelló de la Plana), Parlako Udala, Jazz I Am (Bartzelona), Marula Café (Bartzelona), Musikbox (Menorca), Poborina Folk (Teruel), Silikona (Madril), Intacta Music (Bartzelona), Buenritmo (Bartzelona), Jaspir (Saint-Jean-de-Bournay) eta Peor para el Sol (Madrid). Euskal Herritik kanpoko programatzaileez gain, Euskal Herriko musika programatzaileak ere izango dira, kontratazio eta konexio aukerak biderkatuz.
Profesional hauek ekitaldiko espazio desberdinetan parte hartuko dute (pitchingak, showcaseak eta speedmeetingak), eta sektoreko eragileen arteko konexiorako benetako aukerak sortuko dituzte.
Hitzordua aukera estrategikoa da networking-erako eta musikaren industrian aliantza berriak sortzeko. Akreditazio profesionalak eskuragarri daude jada parte hartu nahi dutenentzat eta topaketarako gune hau ahalik eta gehien aprobetxatu nahi dutenentzat.
